کھیلہ
فیفا ورلڈ کپس منز سعودی عربچ تاریخی کامیابی
عرب دنیاہن لٱج خوشی مناونۍ ییلہ سعودی عربن ژندر وارࣲ دوہہ ارجنٹینیاہس خلاف ورلڈ کپس منز حیران کرن واجنۍ کامیابی حاصل کٔر۔
ٹورنامنٹ کس تاریخس منز ٱس یہ ساروے کھوتہ بڈ شکست یتھ پیٹھ قطرہ علاوہ شام، اردن، غازہ ملکن منز خوشی ہنز لہر پھیلیہ۔
سعودی ٹیمن ٱسۍ ژندر وارِ برونہہ ورلڈ کپ کس تاریخس منز صرف 3 میچ زینمتۍ۔ ارجنٹینیا یمۍ 1978 تہ 1986 منز ورلڈ کپ زیونمت اوس، اوس یمہ وریہ تہ پسندیدہ ٹیم۔
نصف کھیلہِ تام اوس سعودی عرب 1۔0 گولو سیتۍ ارجنٹینیاہس پتھ ییلہ فٹبالکۍ عظیم کھلاڑۍ لایونیل میسی ین کھیلہِ ہندین 10 منٹن منز گول کۆر۔ مگر دویمس نصفس منز کۆر صالح الشھری تہ سالم الدوسری اکھ اکھ گول۔