(15 جنوری) نیوز رساں ایجنسی مطابق کٔر اسرایلی ٹینکو تہ ہوایی جہازو اتھوارِ دۄہ جنوبی تہ وسطی غزہ ہس منز حدفن پٮیٹھ بمباری، تہ 7 اکتوبر حماس کٮین دہشت گردن ہندِ حملہ پتہ شروع گمتہِ جاری جنگ کس 100 دۄہس پیٹھ گٔیہِ کینژن علاقن منز شدید لڑایہ۔
ٹیلی کمیونیکیشن تہ انٹرنیٹ آیہ لگاتار ترییِمہ دۄہ بند کرنہ، ییمہ سیتۍ ہنگامی حالاتن تہ ایمبولینس ٹیمن ہنزہ کوششہ پیچیدہ گیہ یم لڑایہ سیتۍ متاثر لوکن ہنز مدد کرنچ کوشش کران چھہ۔
لڑایہ ہند مرکز چھہ جنوبی شہر خان یونیس، ییتہ حماس کہ وننہ مطابق ینہدیو جنگجوو حملہ کرۍ۔ اسرایلی فوجن وﯙن ز تمو مارﺉ واریاہ دہشت گرد۔
فوجن وﯙن بییہ ز تمو کرﺉ حماسکۍ واریاہ راکٹ لانچر تباہ یم اسرایلس منز راکیٹ چلاونہ خاطرہ استعمال کرنہ ﺃسۍ یوان۔
غزہ ہکۍ وزارت صحتن وۆن ز پتمین 24 گٲنٹن منز گیہ 125 نفر ہلاک تہ 265 زخمی، ییمہ سیتۍ جنگ شروع گژھنہ پتہ ہلاکتن ہند کل تعداد تقریباً 24,000 ووت، تہ 60,000 کھۄتہ زِیادہ گیہ زخمی۔
