صحت

یوگنڈاہس منز ایبولا قسمس خلاف جنگس منز ہیکیا ایم آر این اے ویکسین کرونا وایرس ہیو فایدہ واتناوتھ؟  

ک

ووڈ ۱۹ ویکسینن یس ایم آر این اے ٹکنالجی پیٹھ درتھ چھہ کۆر کرونا وایرسس خلاف سون جنگ واریاہ آسان۔ فایزر تہ موڈرنا بیوٹیک دوا ساز کمپنیو کٔر پننین ویکسینن ہندِ خاطرہ  کینژنے ریتن ہنزِ کلینکل ٹرایل پتہ اکہ وری کھوتہ تہِ کم وقتس منز ریگولیٹری ادارن ہندِ ذریعہ منظوری حاصل۔ امہ پیش رفت کنۍ چھیہ یہ وۅمید ز یوگنڈاہس منز ایبولا قسمس خلاف جنگس منز ہیکیا ایم آر این اے ویکسین کرونا وایرس ہیو فایدہ واتناوتھ؟  ایبولا نش بچاو خاطرہ چھہِ گۅڈے زہ ویکسین ورٖتاوس منز، مگر یم ویکسین چھہِ وایرس کہ صرف اکی قسمہ نش بچاو کران۔ سہ گۆو زایر ایبولا وایرس وبا یس مغربی افریقاہس منز ۲۰۱۳ تہ ۲۰۱۶ درمیان اوس۔ مگر یوگنڈا کس سوڈان  ایبولا وایرسس خلاف چھہ نہ کانہہ ثابت ویکسین۔

ایم آر این اے ویکسین روزِ ایبولا خاطرہ بہتر

سہ ویکسین یس ایبولا وایرس کین واریاہن  قسمن خلاف بچاو کرِ سہ روزِ بہتر۔  یونیورسٹی آف ٹیکساس کہ میڈیکل برانچکۍ ماہر وایرالجسٹ ایلیکس بکراییو سند ونن چھہ ز یمن وایرسن علاوہ ماربگ وایرسس خلاف تہِ روزِ الگ الگ ویکسینو بجایہ کنے ویکسین بہتر۔ امہ سیتۍ گژھہِ غریبن تہ دور دراز گامن منز ویکسینک تقسیم تہِ آسان۔

زایر ایبولا وایرسکۍ موجودہ ویکسین چھہِ سۅ ٹکنالجی ورتاوان یۅس بییس متحرک وایرسس پیٹھ انحصار کران چھیہ۔ امہ کنۍ چھہ یہ فیصلہ ز کس کس لگہِ یہ ویکسین محدود گژھان۔ یمن ویکسینن چھیہ واریاہ بندشہ یمہ کنۍ یہند ورٖتاو مشکل تہ محدود چھہ۔ یہ صورت حال چھہ نہ تیزی سان پھیلن والہِ وایرس خاطرہ جان۔  یونیورسٹی آف پینسلوانیہکۍ ماہر ویکسین نوربرٹ پاردی سند ونن چھہ ز ایم آر این اے ویکسین ہیکن یمو منزہ کینہہ مشکل دور کرتھ۔

One Comment

Leave a Reply

Back to top button
%d bloggers like this: