امریکہ کرِ یوکرینس ڈپلیٹ شدہ یورینیم ٹینک شیل فراہم

اعلی امریکی سفارت کار انٹونی بلنکنن کۆر کییف کس دورس دوران یوکرین خاطرہ اکہِ نیہ سیکیورٹی پیکجک اعلان۔ اعلان مطابق کرِ امریکہ یوکرینس 1 بلین ڈالرن ہندس فوجی تہ انسانی امدادس منز ڈپلیٹ گمتۍ یورینیم ٹینک شیل فراہم۔ وری کس آخرس تام ین یم ٹینک شل یوکرینس فراہم کرنہ۔

یورینیم چھہ اکھ گۆن دھات ییلہ یہ گولین، مارٹر گولن تہ ٹینکن ہندین گولن ہندس پیتس پیٹھ لگاونہ چھہ یوان،  یہ چھہ ہیکان دشمن سنزن ٹینکن اندر اژتھ تہ تباہی کرتھ۔

واشنگٹنس منز روسی سفارت خانن چھیہ امہ فیصلچ مذمت کرمژ۔

یپارۍ چھہ بییہ خبرِ مطابق روسس ہتھیار دنہ کہ غرضہ نارتھ کوریاہک صدر روس گژھنہ چہ تیاری منز۔