یمہ وری یک ریتہ کول اوس عالمی سطحس پیٹھ ونیک تام ساروے کھوتہ زیادہ گرم
ورلڈ میٹرولوجیکل آرگنایزیشن (ڈبلیو ایم او) کۆر موسم چہ تبدیلی متعلق یورپی یونین چہ سروس کوپرنیکس سیتۍ رلتھ تصدیق ز یمہ وری یک ریتہ کول اوس عالمی سطحس پیٹھ ونیک تام ساروے کھوتہ زیادہ گرم۔ اقوام متحدہکۍ سیکرٹری جنرل انتونیو گوٹیرس کۆر تشویشناک تبصرہ ز موسمچ تباہی گیہ شروع۔ ساینسدانو کرۍ اسۍ واریاہ کالہ پیٹھہ متنبہ ز درجہ حرارتس منز مسلسل اضافہ چھہ سانس ردعملس منز تہِ اضافک تقاضہ کران۔ اسۍ ہیکو ونہِ مزید تباہی نش بچتھ، مگر اسۍ ہیکو نہ اکھ ژیوہ تہِ راورٲوتھ۔ گرم ترین موسم خاطرہ چھہ جون، جولایی تہ اگست کین ریتن ہند اعداد و شمار شامل کرنہ یوان۔ پتم تریہ ریتھ رودۍ ریکارڈہ مطابق گرم ترین۔ ڈبلیو ایم او کہ مطابق رود اگست 2023 ریکارڈہ مطابق گرم ترین اگست، تہ جولایی 2023 پتہ ریکارڈہ مطابق دویم گرم ترین ریتھ۔ اگستک تخمینہ اوس 1850-1900 برونہمہِ صنعتی اوسط کھوتہ 1.5 ڈگری زیادہ گرم۔
