نیشنل انسچیوٹس آف ہیلتھ چہ شرین ہنزہ کلینکل ٹرایلہ
دنیاہس منز چھیہ واریاہ لاعلاج یا مشکل علاج بیمارِ یمن منز شرۍ تہِ مبتلا سپدان چھہِ۔ بیمارین ہند علاج یا موثر علاج ژھانڈنہ خاطرہ چھہِ درس دنیاہس منز معالجاتی مطالعہ کرنہ یوان تہ یتھۍ نے مطالعن منز چھیہ علاج ژھانڈنہ چہ تم کوششہ تہِ یوان یمن انگریزۍ پاٹھۍ کلینکل ٹرایل ونان چھہِ۔ امریکہس منز چھہ نیشنل انسٹیچیوٹس آف ہیلتھ (صحتک قومی ادارہ) واریاہن بیمارین ہند علاج/موثر علاج ژھانڈنہ خاطرہ کلینکل ٹرایلن ہندس صورتس منز مطالعہ کرنس منز دنیا ہس منز مشہور۔
«اگر اکھ مسجار اکس کمرس گاشراوِ، واریاہن ہند مسجار ہیکہِ اکس کل عمارژ گاشرٲوتھ۔» یم چھہِ نیشنل انسٹیچوٹس آف ہیلتھ کہ کلینکل سینٹرکۍ ڈایریکٹر ڈاکٹر جان آیی گارٹن سندۍ الفاظ یم تمۍ اتھ سینٹرس متعلق ونۍ۔ اتھ سینٹرس منز چھِہ بڈین سیتۍ سیتۍ شرین ہندۍ معالجاتی مطالعہ تہِ کرنہ یوان۔
نیشنل انسٹیچیوٹس آف ہیلتھک میگزین میڈ لاین پلس چھہ لیکھان زِ این آیی ایچ کلنیکچ چھیہ شرین ہند معالجہ کرنچ اکھ زیٹھ تواریخ۔ یم بہادر شرۍ چھہِ معالجاتی مطالعن منز شرکت کران تاکہ بہتر نتیجہ ین برونہہ کن تہ بیمارِ ہندس علمس منز گژھہِ پیش رفت۔ یم ٲسۍ این آیی ایچ مطالعے یم شرۍ پانہ لوکمیا تہ ہاجکنز بیمارِ ہنزِ گۅڈنچہ کیمو تھراپی خاطرہ ذمہ دار ٲسۍ۔ یمو مطالعو چھہ شرین ہندِ ایڈسک (AIDS) تشخیص تہ علاجس منز سیٹھا ترقی کرمژ۔ پروجیریا آٹزم ہشن نفسیاتی حالژ منز چھیہ ترقی جاری۔
ڈاکٹر جان آیی گالِن چھہ اتھ میگزینس منز ونان «این آیی ایچ کلینکل سنٹرس منز چھہِ نایاب بیمارین منز مبتلا شرۍ وچھنہ یوان۔»
چلڈرنز ان ناوہ چھہ این آیی ایچک 22 بسترن پیٹھ مشتمل داخلی مریضن ہندِ خاطرہ ہسپتالک اکھ یونٹ۔ اتھ ہسپتالس منز چھہِ 1500 مریض تہ تہنزِ فیملی ہندِ خاطرہ تہِ جاے۔ اتھ یونٹس منز چھہِ خارجی مریضن ہندِ خاطرہ تہِ علاج حاصل کرنہ خاطرہ 15 سٹیشن۔ یہ مستقل خارجی مریضن ہند کلنیک چھہ مختصر وقتہ خاطرہ ینہ آمتین شرین تہ نو بالغن تہِ وچھان۔
میگزین مطابق چھہ این آیی ایچ کلینکل سنٹرس منز شرین ہند علاج عالمی معیار کین خصوصی ماہرن تہ معاونتی سروسن ہندِ دسۍ سپدان۔ اتہِ چھیہ شرین خاطرہ اکھ مستقل صلاح مشورہ سروس یۅس مطالعہ کرن والین شرین متعلق مدد کران چھیہ۔ ریکریشن تھراپی شعبہ چھہ جسمانی، ادراکی، سماجی تہ جذباتی معاملن ہند خیال تھاوان۔ این آیی ایچ سکول چھہ شرین ہنزِ تعلیمہِ تہِ کلاس روم کس صورتس منز یا بسترس پیٹھے برونہہ پکناوان۔
شرین ہنزن بیمارین ہند پروفیسر ڈاکٹر ڈینیل کے بینجامن جونیر چھہ اکس انٹرویوس دوران مالین ماجن کن ونان «معالجاتی مطالعہ چھہ تہندِ شرۍ سندِ خاطرہ سیٹھا اہم۔ صرف0 10 ؤری برونہہ اوس ریاست ہاے متحدہ امریکہس منز زینہ والین پریتھ شین شرین منز پانژہہ وُہر گژھنہ برونہہ اکھ شُر مران۔ لۅکٹین شرین ہندِ موتک شرح چھہ۔ یہ چھہ پتمہ مطالعک نتیجہ یُس شرین ہندِ موت کس شرحس پیٹھ کرنہ آو۔»
پتمین کلینکل ٹرایل مطالعن ہنزِ کامیابی ہنزہ کینہہ صورژ چھیہ یم۔ کلینکل ٹرایلہِ ہوو زِ (اکھ دوا یُس ششہ کین لۅکٹین لۅکٹین ٹھیلن منز ہوا برقرار تھاوان چھ) چھہ وقتہ برونہہ زینہ والین شرین شہس منز مدد کران۔ نتیجہ یہ زِ پریتھ ؤریہ چھہِ ساسہ بدۍ شرۍ بچاونہ یوان یم برونہہ شہہ چہ ناکامی کنۍ مران ٲسۍ۔
یتھے پاٹھۍ لوگ کلینکل ٹرایلن منزے پتاہ زِ اینٹی ریٹروپیل تھراپی سیتۍ ہیکو اسۍ ایچ آیی وی ایڈس منز مبتلا گۅبہِ کھورہ زنانن ہندِ دسۍ ایچ آیی وی شرین تام منتقل گژھُن رکٲوتھ۔ امہ مطالعہ کنۍ ہیکۍ اسہِ یتھ ملکس منز زینہ والۍ ساسہ بدین شرین ہنز زندگی بچٲوتھ۔
50 ہے ؤری برونہہ اوس شدید لوکمیا لۅکٹین شرین منز کلیتا مہلک۔ کینسر والین شرین ہندِ مسلسل تہ مکرر مطالعہ کس نتیجس منز چھہ اتھ بیمارِ منز مبتلا گژھن والۍ زیادہ تر شرۍ بچان۔
شرین ہنزن کلینکل ٹرایلن ہندِ دسۍ سپد یہ ممکن زِ پتمین پانژن ؤرین منز اوس نہ فالج کرن والہِ پولیوہک کانہہ کیس۔ امہ ترقی برونہہ ٲسۍ پریتھ ؤریہ 15000 امریکی شرۍ فالج کرن وول پولیو ڈولیپ کران۔ کلینکل ٹرایلن منز شرکت کرنہ خاطرہ ہیکہِ مزید زانکاری یمو ویب سایٹو پیٹھہ حاصل سپدتھ۔