صحت

کھورن ہند دود

Story Highlights
  • Knowledge is power
  • The Future Of Possible
  • Hibs and Ross County fans on final
  • Tip of the day: That man again
  • Hibs and Ross County fans on final
  • Spieth in danger of missing cut

کھۅرن ہند دود ہیکہِ واریاہو وجہو کنۍ ٲستھ۔ اکھ وجہ چھہ کھۅرن ہنز سۅ حالت یتھ پلانٹر فیسیٹس ونان چھہِ۔ اتھ دٲدس منز چھہ تلپدین کھورِ پیٹھہ برونہہ کن دگ تہ ورم آسان۔ امہِ حالژ ہندیو وجہو منزہ چھہِ کینہہ یم۔ یعنی یہ حالت ہیکہِ تھدِ کھورِ بوٹ یا چپنہِ لاگنہ سیتۍ، وزن ہُرنہ سیتۍ، زیادہ پکنہ سیتۍ یا کھڑا روزنہ سیتۍ یا ہیرن زیادہ کھسنہ سیتۍ واقع سپدتھ۔ اگر تھزِ کھورِ چپنہِ یا کھۅربانہ واریاہس کالس لاگنہ ییہِ، تلپدین منزباگ نرم نٲر ہیکن شروکتھ۔ یمن نٲرن چھہِ فاسیا ونان۔ ییلہ یمن نٲرن درسہ لگان چھہ، کھۅرن چھٮہ دگ کران۔ صبحنس بسترہ منزہ نیرتھ ننہ وور پکنہ سیتۍ چھہ یمن نٲرن درسہ لگان تہ کھۅرن چھہ لگان۔

یمن شخصن ہند وزن ہریومت آسہِ، پلانتر فاسییٹس یعنی کھۅرن ہندِ دادیک امکان تہِ چھہ ہران، خاص کر ییلہ یم شخص واریاہ پکان آسن یا آسن کم کُشن والٮن کھۅربانن منز واریاہس کالس کھڑا روزان

 دادکۍ وجوہات۔  دود کیاز صبحسے زیادہ؟

عام طور چھہ کھورِ ہنزِ اڈجہِ تلہ کنہ موٚٹ ٹیشو آسان۔ وزن ہرنہ سیتۍ ہیکہِ یہ موٚٹ پیڈ ژھینتھ یمہِ سیتۍ کھورِ تہ باقی کھۅرس تہِ دود ہیکہِ کٔرتھ۔ کھۅرن منز ہیکہِ یہ تبدیلی ورزش کنۍ یا زیادہ دورنہ کنۍ تہِ سپدتھ۔ کھۅرن ہنز یہ حالت ہیکہِ گسہ آمتۍ کھۅربانہ لاگنہ سیتۍ تہِ سپدتھ، خاص کر تمو کھۅربانو سیتۍ یمن ہندس تلپدس جان کُشن آسہِ نہ۔

پلانتر فاسییٹس حالژ ہنز نشانی چھٮہ پکنہ سیتۍ کھۅرن دود ووٚتھن۔ یہ تہِ چھہ ممکن زِ دود ووٚتھہِ تیلہِ تہِ ییلہ تہۍ کھڑا ٲسو یا آرام کران ٲسو۔ عام طور چھہ یہ دود صبحاے وۅتھان ییلہ اسۍ بسترہ منزہ نیران چھہِ تہ سانۍ کھۅر فرشس پیٹھ پیوان چھہِ۔ کھۅرن ہندٮن شروکیمتٮن نٲرن چھہ درسہ لگان تہ کھۅرن چھہ دود کران۔ یہ دود چھہ کنہِ ساتہ پکنہ سیتۍ کم محسوس گژھان تہ تھکھ کڈنس سیتی چھہ ہُران۔ راتس ییلہ اسۍ نندر کران چھہِ یم نٲر چھہِ شروکان تہ اسہِ چھہ نہ دود محسوس سپدان۔

ییلہ اسۍ بسترہ منزہ نیران چھہِ تہ سانۍ کھۅر فرشس پیٹھ پیوان چھہِ۔ کھۅرن ہندٮن شروکیمتٮن نٲرن چھہ درسہ لگان تہ کھۅرن چھہ دود کران

plantar

پننس ڈاکٹرس نش گژھن دادِ چہ علامژ بیان کرنہِ۔ ڈاکٹر پرژھہِ تۅہہِ زِ اگر کھورِ نازک چھٮہ کھۅرن واش کڈنہ سیتۍ ما چھٮہ تۅہہِ دگ کران۔ سہ ما کرِ تہنزِ کھورِ ہند ایکسرے تہِ۔ کھورِ ما پییہ مکمل طور کینژن دوہن آرام دنچ ضرورت۔ ورم تہ دگ کم کرنک دوا تہِ ما پییہ کھیوٚن۔کھۅر دۅہس منز کینژِ لٹہِ یخس پٮٹھ تھاونہ سیتۍ تہِ ہیکہِ آرام وٲتتھ۔ کُشن دار کھۅربانہ ورتاونہ سیتۍ تہِ ہیکہِ آرام میلتھ۔ کشن گژھن دۅشونی کھۅربانن منز ورتاونۍ یم چھہِ زیادہ وزن شخژن تہ بزرگن ہندِ خاطرہ کارگر۔

کھۅرس فٹ بناونہ آمت سول تہِ ہیکہِ علاجہ رنگۍ ورتاونہ یتھ۔ یم سول چھہِ ضروری اگر تہندٮن تلپدٮن ہندۍ قوس ہموار یا زیادہ تھدۍ آسن۔ اگر پٮٹھمٮو علاجو سیتۍ دود ژلہِ نہ، تہند ڈاکٹر ما کرِ فیزیکل تھراپی ہنز سفارش۔ امہِ ورزشہِ سیتۍ چھہ پلانتر فاسیٹس واش نیران تہ زنگہِ ہندۍ بنم پٹھہ چھہِ مظبوط سپدان یم کھورٮن تہ گۅڈن استحکام دوان چھہِ۔

Leave a Reply

Back to top button
%d bloggers like this: